Вакцините против Ковид-19 нема да ја запрат пандемијата ако сите земји во светот на добијат доволно дози предупредија денеска група експерти во отворено писмо објавено во реномираниот медицински магазин Лансет.
Во време во кое повеќе земји планираат воведување пасош за вакцини пред да бидат нормализирани меѓународните патувања авторите на писмото оценуваат дека акумулацијата на вакцини кај најбогатите земји е ризик за продолжување на здравствената криза.
Поради „вакциналниот национализам“, Ковакс, програмата на ОН за распоредување на антиковид вакцините во сиромашните земји би можел да се соочи со недостаток на вакцини повеќе години.
„Гола вистина е дека на светот вакцините против Ковид-19 му се потребни како никоја друга вакцина досега за да се вакцинираат доволен број луѓе со што би се постигнал колективен имунитет“ – вели главниот автор на писмото, Оливие Ваутерс од Лондонската школа за економија и политички науки.
„Ако вакцините не бидат рамноправно распределени би можело да поминат години пред коронавирусот да биде под контрола на светско ниво“ – вели Ваутерс.