Од почетокот на пандемијата до првиот квартал на 2022 година, за борба против Ковид-19 Данска потрошила околу 16,1 милијарди буџетски евра, се посочува во извештајот објавен од Данската државна агенција за статистика.
Потрошените пари за здравствените установи што ги покриваа трошоците за вакцинација, тестирање и лекување, сочинуваат 28 отсто од таа сума. Пакетите за економска поддршка учествуваат со 68 отсто во тие расходи.
Во споредба со другите земји, Данска со своите шест милиони жители, во голема мера се потпираше врз тестирање во раните фази на пандемијата. Тие тестови на крајот чинат околу 2,3 милијарди евра или повеќе од половина од парите потрошени за здравството. Програмата за вакцинација чинеше околу 873 милиони евра.
Извор: МИА