Најмалку четири лица загинаа, а 20 се ранети денес во експлозија на автомобил-бомба во близина на пазар во пакистанскиот град Кила Абдула во покраината Белуџистан, која граничи со Авганистан, изјави локалниот заменик-полициски комесар Абдула Ријаз.
Тој исто така рече дека експлозијата во југозападниот пакистански град, која се случила синоќа, го оштетила надворешниот ѕид на блиската зграда, објави АП.
Ниту една група не ја презеде одговорноста за нападот, но се сомнева дека се работи за етнички Белуџистански сепаратисти, кои често ги напаѓаат безбедносните сили и цивилите во Белуџистан и други делови на Пакистан.