Кога станува збро за вкрустување видови, „Дрво од 40 овошја“ на современиот кипар Сем Ван Акен, професор на Универзитетот Сиракуза сигурно е вистинско ремек дело на фузијата на науката и уметноста.
Во поголемиот дел од годината стеблото изгледа обично, меѓутоа, на пролет минува низ вистинска експлозија на бои од бела до розова во најразлични нијанси. Потоа од јули до октомври раѓа 40 видови семкасти овошја, меѓу кои и цреши, праски, нектари, мандарини, сливи и бадеми.
Оваа жива скулптура создадена е со вакцинирање на бројни, претежно домашни видови од кои некои се стари со столетија. Како главен извор на билки за создавање на необичното дрво на желби, на Ван Акен му послужи овоштарникот на Државната земјоделска експериментална станица Њујорк, кој ја зеде во закуп кога слушнал дека планираат да ја урнат.
Ван Акен прво темелно истражи од кое време во годината цвета секоја од 250 цветници на овошјата. После тоа со постапно калемење на основното растение го создаде „Дрвото од 40 овошја“.
Основната билка, која се уште се вика и подлога, се калеми или оплеменува така што на гранката се сече кората и во неа се сади свежо отсечена гранка од некое друго растение. Кога раната на кората во текот на зимата ќе се затвори, новата гранка станува составен дел од стеблото и понатаму продолжува да расте како да останала на сопственото дрво. Оваа постапка е добро позната на сите сопственици на овоштарници, а го применувале уште и старите Кинези, Египјаните, Феничаните и Римјаните. До денес има околу 137 различни начини на оплеменување.
Ван Акен рече дека одбрал семкасто овошје затоа што е многу разновидно, а взаемно компатибилно.
– Со вакцинирањето на различни видови на стебло по одреден ред успеав да обликувам и на кој начин стеблото ќе цвета, објасни Ван Акен.
Американскиот уметник до сега одгледал 16 слични овошки, а луѓето кои ги посадиле во нивните градини велат дека раѓаат совршено нормални плодови од сите видови. За жал, Ван Акеновите живи скулптури не се во комерцијална продажба.