Дури 55 мажи беа приведени во Франција како дел од голема операција за разбивање на педофилска мрежа што работеше преку шифрирани пораки на Телеграм, објави Канцеларијата за малолетничка правда по завршувањето на десетмесечна истрага.
Обвинетите, на возраст меѓу 25 и 75 години, меѓу кои свештеник, медицинска сестра, „добри татковци“, професор по музика и самохрани мажи, разменувале пораки на Телеграм и биле во контакт со „особено опасни“ педофили кои се во затвор од минатото лето, изјави Квентин Беван, раководител на одделот за операции во Канцеларијата за малолетници (OFMIN).
Сеопфатната операција започна минатото лето со апсење на педофилски криминалци кои злоупотребувале деца и ги објавувале своите злосторства на Телеграм.
Инспекторот Беван истакнува дека работната група посветено работела 10 месеци за да открие докажани педофили, а за време на операцијата биле пресретнати илјадници пораки, слики и друга содржина за сексуална злоупотреба на деца.
Тој тврди дека „Телеграм останува привилегирана платформа за педофили“. Беван признава дека има напредок во однос на соработката меѓу истражителите и платформата во ова прашање по апсењето на Павел Дуров, раководителот на Телеграм, минатото лето, но дека Телеграм сè уште „едвај ги исполнува минимумот од своите законски обврски“ во борбата против педофилите.