Поранешната украинска порно актерка Анастазие Хагенова, која требаше да биде протерана од Чешка поради тоа што во јули и беше одбиено барањето за добивање политички азил, може да остане во земјата, јави дописникот на МИА од Прага.
Ова, доаѓа по одлуката на Министерството за внатрешни работи, кое на мајката на три деца на крајот и дозволи постојан престој во Чешка каде под псевдоним била една од најголемите ѕвезди на филмовите за возрасни на постсоветскиот простор.
Хагенова, во земјата живее околу две години и неколкупати неуспешно барала политички азил тврдејќи дека во Украина ја чека притвор и одземање на децата.
Својата татковина ја напуштила откако била обвинета за ширење на порнографија, што таа го негира и тврди дека е жртва на влијателни луѓе.