Најмалку осум лица загинаа, а 15 се повредени при напад со автомобил-бомба во авганистанската провинција Хелманд.
Нападот се случи во главниот град на провинцијата Хелманд, Лашкар Гах, а мета биле авганистанските војници.
Претседателот на провинцискиот совет Мохамад Карим Атал изјави дека петмина од загинатите се војници, а меѓу повредените има две жени и три деца.
Нападот бил изведен пред филијала на „Кабул банк“, каде војниците ја подигнувале платата.
Одговорноста за нападот ја презедоа талибанците.