Повеќе од 30.000 лица настрадаа од жештината во Јапонија од почетокот на летото, информира јапонската државна телевизија.
Жешкото време, само во текот на последната недела, предизвика смрт на осум лица. Над 4.000 лица биле сместени во болница.
Како што јави ИТАР-ТАСС, температурите во Јапонија последниве денови се намалија до 27-28 степени Целзиусови, како последица на минувањето на тајфунот Халонг.