Министерството за здравство на Израел објави дека во последните 24 часа се убиени 12 лица, со што вкупниот број на жртви се искачи на 15 – вклучувајќи ги и тројцата кои беа убиени во иранските напади вчера наутро.
Според министерството, 385 повредени лица биле примени во болници во текот на ноќта.
Од нив, седум се во сериозна состојба, 40 се во умерено сериозна состојба, а 298 имаат полесни повреди.
Дополнително, 14 лица побарале помош поради симптоми на анксиозност.
Иран синоќа започна нов бран ракетни напади врз Израел како одговор на ненајевеното бомбардирање, а според официјалните податоци од израелските служби за вонредни ситуации, делови од централен Израел, вклучително и областа околу Тел Авив, беа цел на нападите.
Нападите се случија откако израелската војска потврди претходно дека извршила напади врз нуклеарната инфраструктура на Иран. Министерството за нафта на Иран тврди дека било погодено складиштето за нафта Шахран во Техеран.
Ballistic missiles seen coming down over Afula, to the southeast of Haifa. pic.twitter.com/t2mWhiiGrW
— OSINTdefender (@sentdefender) June 14, 2025
Иранскиот претседател Масуд Пезешкијан се закани дека одговорот ќе биде уште „потежок и посилен“ ако Израел не се повлече. Во меѓувреме, Оман потврди дека преговорите меѓу Техеран и Вашингтон за нуклеарната програма на Иран, закажани за недела, се официјално откажани.