Осум затвореници загинаа во пожар што се случи во саботата вечерта во затворот Евин во Техеран, објавија денеска иранските власти нов биланс на жртви.
Во претходниот извештај имаше информации за четири загинати и 61 повреден, од кои четворица беа во тешка состојба.
„Четири повредени лица починаа во болница, со што бројот на загинати се искачи на осум“, соопштија властите, додавајќи дека жртвите се осуденици за кражба.
Голем пожар избувна во саботата во иранскиот затвор Евин, познат по тоа што во него се сместени политички затвореници, новинари и странски државјани.