Локалната полиција во Полска потврди дека e пронајден оштетен дрон за кој се верува дека учествувал во акцијата, а е откриен во селото Чосновка во источна Полска. Локацијата се наоѓа на приближно 40 километри од полската граница со Белорусија. Фотографиите што циркулираат на интернет покажуваат дека припадници на војската се на лице место и дека самото беспилотно летало е оградено.
🇵🇱NOW: Polish authorities have located a Russian drone wreckage from today's incursion, near the village of Czosnówka, 25~ km from the Belarussian border.
Map and photos of the search below.#NATO #osint #Military #BreakingNews #Poland pic.twitter.com/rCmF4ZYRxK
— Security Politics (@SPOSINT) September 10, 2025
Дронот се испитува, и дури по завршувањето на истрагата ќе бидат познати повеќе информации за соборениот дрон.
Полската влада ги предупреди сите што ќе го пронајдат соборениот дрон да не му се приближуваат, велејќи дека „ваквите предмети можат да бидат опасни и мора да бидат испитани од експерти“.
За потсетување, полската војска рано утрово објави дека соборила беспилотни летала што го нарушиле нејзиниот воздушен простор за време на рускиот напад врз соседна Украина.
„Распоредено е оружје, а службите активно работат на лоцирање на соборените предмети“, објави Полската оперативна команда.
Тие додадоа дека е во тек воена операција и го повикаа населението да остане во своите домови.
Полска е членка на НАТО, трансатлантски одбранбен пакт во кој учествуваат САД, и кој го применува принципот дека нападот врз еден е напад врз сите.