Унгарскиот премиер Виктор Орбан денес изјави дека Унгарија се штити себеси и Европа од нелегална миграција веќе една деценија, откако ја „заклучи“ својата граница пред десет години.
„Тој потег предизвика гнев и закани во Брисел и стигматизација на Унгарија во западните престолнини, но ние истрајавме, ја затворивме јужната граница и рековме дека само оние на кои им дозволуваме можат да стапнат на унгарска почва“, рече унгарскиот премиер во објава на Фејсбук, пренесува MTI.
Орбан оцени дека Берлин, Стокхолм, Виена и Париз биле сведоци на компромитирана јавна безбедност во изминатите десет години, додавајќи дека мигранти ги тероризираат жителите во тие градови и дека експлозиите и убиствата сега се секојдневна рутина.