Унгарскиот премиер Виктор Орбан денес изјави дека претседателката на Европската комисија (ЕК), Урсула фон дер Лајен, повторно побарала од земјите-членки на ЕУ дополнителни средства за финансирање на Украина и војната и нагласи дека станува збор за „астрономска сума што денес не постои“.
Орбан на Фејсбук изјави дека претседателот на ЕК бара дополнителни 135 милијарди евра во текот на две години, што, според него, е 65 проценти од годишното економско производство на Унгарија, седум години пензии за сите унгарски пензионери и речиси три четвртини од годишниот буџет на ЕУ, објави МТИ.
„Астрономска сума што денес не постои. Едноставно не постои“, рече Орбан на платформата X, во објава идентична со онаа на Фејсбук.