Унгарскиот премиер Виктор Орбан, еден од ретките европски лидери во добри односи со рускиот претседател Владимир Путин, вели дека Западот треба сериозно да ги сфати заканите на рускиот лидер.
„Сакам само да кажам дека кога Русите ги менуваат правилата за користење на нивниот нуклеарен арсенал, таканаречената нуклеарна доктрина, тоа не е комуникациски блеф“, рече тој, мислејќи на промените што Путин ги потпиша минатата недела.
„Тоа не е блеф. Доктрината е изменета и ќе има последици“, рече тој.
Унгарија е меѓу неколкуте европски нации кои силно го поддржуваат режимот на Владимир Путин во Русија. Владата на Орбан постојано се противи на санкциите против Русија, со што ги фрустрира Европската унија и НАТО. Унгарија исто така е против помагањето на Украина и идејата Украина да влезе во ЕУ и НАТО.