Унгарскиот премиер Виктор Орбан, гостин во Радио Кошут, не исклучува дека западните трупи ќе бидат во Украина за два-три месеци, бидејќи претходниот развој на конфликтот покажува дека она што е малку веројатно на прв поглед, по некое време станува реалност.
„Најалармантно е што пред два или три месеци беше невозможно да се замисли, два или три месеци подоцна станува секојдневие. Се сеќавам кога Германците рекоа дека не се подготвени да испратат смртоносно оружје во Украина, ние ќе испратиме подобра опрема, шлемови… А сега велат дека Германија треба да пренесе такви ракетни системи во Украина кои можат да таргетираат до Москва или, во најмала рака, далеку во Русија“, рече Орбан одговарајќи на прашањето на домаќинот за можноста за испраќање западни трупи во Украина.
Орбан повтори дека „она што сега е апсурдно и невозможно да се поверува ќе стане реалност за два или три месеци“.