Заменик-министерот за надворешни работи на Полска, Владислав Теофил Бартошевски, изрази сомневање за неопходноста од членство на Унгарија во ЕУ и НАТО по изјавата на унгарскиот премиер Виктор Орбан дека Варшава води лицемерна политика кон Москва.
Бартошевски истакна дека, за разлика од Орбан, неговата земја не соработува со Русија по нападот на Украина и дека неговата политика во моментов е антиевропска, антиукраинска и антиполска, пренесе ПАП.
„Не разбирам зошто Унгарија сака да остане членка на организации кои не ги сакаат толку многу и кои наводно лошо се однесуваат кон нив“, рече Бартошевски.
Тој се запраша зошто Орбан не создава Унија со Путин и некои авторитарни држави од тој тип.
„Тоа е вака: ако не сакаш да бидеш член на клуб, секогаш можеш да си заминеш“, додаде Бартошевски.