Модерната продукција на операта „Танхојзер“ на Ричард Вагнер предизвика бура од реакции во Германија поради сцените во кои се прикажуваат луѓе како умираат во гасни комори и убивање на едно семејство со обричени глави.
Портпаролката на Операта во Дизелдорф, Моника Дол изјави дека публиката свиркала и била шокирана од сцените кои потсетуваат на настаните од времето на нацизмот. Лидерот на еврејската заедница во Германија, пак, Михаел Сантеј – Хајзе оценил дека продукцијата на операта била „доста невкусна“.
Нацистичкиот владетел Адолф Хитлер бил голем фан на Вагнер, кој починал 1883 година. Вагнер бил жесток антисемитист и неговата музика се’ уште се смета за табу тема во Израел.
Петар Клинчарски