Комитетот за човекови права при Генералното собрание на Обединетите нации синоќа усвои резолуција со која се повикува Советот за безбедност да поднесе пријава пред Меѓународниот кривичен суд поради непочитување на човековите права во Северна Кореја.
Резолуцијата е усвоена со 111 гласови „за“, 19 „против“ и 55 „воздржани“.
По ова за резолуцијата треба да биде известено Генералното собрание, каде ќе следи усвојување на документот и испраќање пред Советот за безбедност.
Резолуцијата е донесена врз основа на извештајот на истражната комисија на ОН, во кој се наведува дека во Северна Кореја се кршат човековите права.