Високиот претставник на ОН за човекови права Нави Пилај предупреди на ширење на насилства и пораст на бројот на смртни случаи во Египет, истакнувајќи дека Владата мора да ја запре прекумерната употреба на сила против демонстрантите.
Пилај апелираше на Владата на претседателот Мохамед Морси да преземе итни мерки за никогаш повеќе да не се користи прекумерна сила против учесниците на протестот, бидејќи тоа е незаконски и би ја направила ситуацијата „експлозивна“.
Пилај во соопштение повика на неодложно покренување истрага за бранот насилства и преиспитување на полициските тактики користени за воведување ред на протестите.