Во 2013 година во судири низ целиот свет се регрутирани над 4.000 деца војници, соопшти ОН врз основа на собрани податоци, истакнувајќи дека според проценките на армиите и бунтовничките формации се приклучиле уште илјадници деца.
Во годишниот извештај на Генералниот секретар на ОН Бан Ки-мун за децата и вооружените конфликти, што беше објавен вчера, на „листа на срамот“ е додадена нигериската исламистичка бунтовничка организација Боко Харам.
Во текот на 2013 година доминирало регрутирање и користење на деца во вооружени конфликти, додека оние што ги злоупотребуваат децата и вршат сексуално насилство врз нив, често не се соочуваат со лицето на правдата, се наведува до извештајот.