Претставник на ОН изјави на форум во Сеул дека има доволно докази за да биде обвинет севернокорејскиот лидер Ким Џонг-ун за масовни кршења на човековите права, извршени од државата.
Изјавата на Марзуки Дарусман, специјален известувач за човекови права во Северна Кореја, е една од најкатегоричните изјави на претставник на ОН за одговорноста на Ким Џонг-ун за масовни кршења на човековите права во Северна Кореја.
Истрагата на ОН во извештајот на 17 февруари заклучува дека раководители на севернокорејските служби за безбедност, а можно и самиот Ким треба да бидат изнесени пред меѓународна правда поради издавање наредби за систематска тортура, подложување на глас и убиства.
Според Дарусман врз основа на извештајот ОН веќе се во позиција директно да го обвини севернокорејскиот лидер за злосторствата.
Нацрт-резолуцијата на ОН, подготвена од ЕУ и Јапонија, повикува Северна Кореја да биде изнесена пред Меѓународниот кривичен трибунал за злосторства против човештвото.
Пјонгјанг ја отфрли истрагата на ОН како дел од американски заговор.