Претседателот на Франција, Франсоа Оланд, ги повика Обединетите нации итно да ги заштитат ослободените области на северот на Сирија.
„Барам од ОН од овој момент, без одложување, да го поддржи сирискиот народ и да му ја даде помошта која ја бара, да ги заштити ослободените зони“, изјави Оланд во обраќањето на Генералното собрание на ОН.
„Нема иднина за сирискиот режим. Затоа Франција ќе ја признае привремената влада на новата Сирија, кога таа ќе биде формирана. Таа треба да пружи гаранција за безбедност на сите сириски заедници“, додаде претседателот на Франција.
Оланд исто така рече дека Франција е подготвена да воведе нови санкции кон Иран.