Топлиот бран, која од минатата недела ја зафати Јапонија со температури што достигнуваат 35 степени во сенка, ги однесе животите на 15 лица, а 8.580 побарале медицинаска помош, од кои 19 се во тешка состојба, соопшти денеска јапонската Агенција за елементарни непогоди.
Според објавените податоци, кои се засновани само врз бројот на оние кои побарале итна помош, 44,4 отсто од луѓето биле на возраст над 65 години, кои сочинуваат една четвртина од населението во земјата.
Претходната недела 3.179 лица побарале медицинска помош поради високите температури, од кои тројца починале.