Претставникот за слобода на медиумите при ОЕБС, Дуња Мијатовиќ изрази загриженост поради казната која што му е изречена на познатиот истражувачки новинар и блогер во Русија, Сергеј Резник.
Рускиот суд одлучи да го казни новинарот со три години затвор во казнена колонија поради лажни обвиненија и навреди на официјални лица.
Исто така судот му забрани да се занимава со својата професија една година по издржување на казната.
-Казнувањето и затворање на новинар поради извршување на својата работа е неприфатливо – порача Мијатовиќ и додаде дека наместо властите да создадат безбедност и независност на припадниците на медиумите, тие го ограничуваат просторот за јавна дебата и граѓанското право за слобода во информирањето.
Е. Г.