Федералната служба за безбедност на Руската Федерација (ФСБ) соопшти дека спречила терористички напад врз митрополитот Тихон Шевкунов, кој наводно бил планиран од украинските специјални служби.
Според соопштението на ФСБ, акцијата била планирана да се спроведе за време на престојот на митрополитот Тихон во Москва.
ФСБ изјави дека терористите набавиле експлозив од скривалиште во декември 2024 година.
Еден од уапсените изјави дека планот бил да се постават експлозиви во манастирот Сретенски, а по извршување ба злосторството, терористите планирале да ја напуштат Русија користејќи фалсификувани документи. ФСБ заплени експлозиви и два лажни украински пасоши.
Русин и Украинец се приведени во Москва, наводно регрутирани од Главната разузнавачка управа на Министерството за одбрана на Украина преку апликацијата Телеграм.
Дополнително, видео снимката на ФСБ открива дека, по инструкции од Киев, планираниот атентат на митрополитот Тихон го подготвиле неговиот помошник Денис Попович и свештеникот Никита Иванкович.