Движењето на патничките и товарните возови во тунелот под Ламанш беше обновено денеска, откако вчера беше прекинато поради пожар во камион, натоварен на еден од товарните возови, соопшти компанијата оператор на тунелот и на товарните возови „Евротунел“.
Сообраќајот бил обновен од Велика Британија во 2:45 часот по локално време, а од Франција во 4:30 часот по локално време.
„Евростар“, компанијата оператор на патнички возови објави синоќа дека нејзините возови од денеска повторно ќе сообраќаат под Ламанш, но оти ќе има доцнења.