Американскиот претседател Барак Обама има мала предност во однос на републиканскиот соперник Мит Ромни во клучни држави во натпреварот за претседателските избори во ноември, се вели во анкета на јавно мислење.
Според анекетата на Галуп, а по порачка на Ју-Ес-Еј-Тудеј, 47 отсто регистрирани избирачи во тие држави имаат намера да гласаат за Обама, а 45 отсто за Ромни. Сондажата ги опфаќа државите Колорадо, Флорида, Ајова, Мичиген, Невада, Њу Хемпшир, Њу Мексико, Северна Каролина, Охајо, Пенсилванија, Вирџинија и Висконсин. Во принцип тие не се многу на страна ниту на демократите ниту на републиканците, и во многу случаи ги „решиле“ изборите.
Во останатиот дел од САД, Обама води со 48 отсто спрема 44 отсто за Ромни. Предноста е во рамки на статистичка грешка, наведуваат американски медиуми.