Барак Обама се сретна со семејствата на жртвите од масакрот во Денвер. и рече дека Америка нема повеќе да го спомнува името на Џејмс Холмс кој денес ќе излезе пред судот.
„Иако сторителот на ова гнасно дело доби доста публицитет овие денови, тоа внимание ќе исчезне“, рече Обама.
„На крајот кога ќе ја почувствува силата на нашиот правосуден систем, она што ќе биде запамтено се добрите луѓе кои ги погоди оваа трагедија“, додаде тој.
Американскиот претседател се придружи на локалното население и официјалните лица во одбивањето да го изговори името на осумничениот Џејмс Холмс.
Мотивот за убиството на 12 луѓе во текот на премиерата на новиот филм за Бетмен сеуште е непознат, а полицијата соопшти дека немало никакви најави дека доскорешниот студент на медицина можел да изврши ваков напад.