Министерот за животна средина и просторно планирање, Насер Нуредини денеска одржа средба со директорот на Германската банка КфВ, Рене Ешеман на која дискутирале за досегашната поддршка и соработка од страна на Владата на Германија, како и за имплементираните и тековни проекти каде Банката учествува како партнер.
Како што соопштија од МЖСПП, во заложбата за понатамошно развивање на соработката, министерот Нуредини ги претставил предизвиците кои се пред нас, особено во делот за управување со отпад (рециклирање), станици за пречистување на отпадни води и заштита на природата во Охридско-преспанскиот регион.
– Директорот Ешеман ја потврди спремноста за поддршка во реализација на активностите на Република Северна Македонија во исполнување на барањата за членство во Европската Унија за Поглавјето 27, преку достапност на средствата што се на располагање од КфВ Банката., стои во соопштението.