Автомобил-бомба и неколку бомби поставени покрај пат експлодираа денеска во шиитски и сунитски квартови во Багдад, убивајќи најмалку 13 луѓе.
Никој досега не ја презеде одговорноста за нападите, во кои има и десетици ранети, но сунитски бунтовници и ирачкото крило на Ал Каеда ги засилија операциите од почетокот на годината како дел од кампања за предизвикување тензии.
Повеќе од 1.000 луѓе беа убиени од почетокот на април во најголемиот бран насилство во Ирак по повлекувањето на американските сили од државата во декември 2011 година.