Земјотрес со интензитет од 4,8 степени според Рихтерова скала го погоди денеска североисточниот брег на Јапонија, но засега не постои опасност од цунами, соопшти националната метеоролошка служба во земјата.
Нема информации за евентуални жртви и причинета материјална штета.
Епицентарот на потресот се наоѓал источно од брегот на префектурата Фукушима, на длабочина од 40 километри под морското дно. Земјотресот бил почувствуван во префектурите Мијаги, Фукушима и Ивате, како и во главниот град Токио.
Претходно, земјотрес со интензитет од 5,9 степени по Рихтеровата скала ја погоди групата острови во Тихиот Океан, јужно од Токио.
Епицентарот е регистриран на 185 километри југоисточно од јапонскиот остров Иџу, на длабочина од 30 километри под морското дно, соопшти американскиот геофизички институт.