Двата главни острови на Нов Зеланд никогаш официјално не се именувани поради административен пропуст кој трае веќе 200 години, па така во светот останаа познати како Северен и Јужен Остров.
Според Географскиот одбор на Нов Зеланд, имињата на островите на мапите се појавуваат по доаѓањето на Европејците на почетокот од 19 век, но тие никогаш немале официјални имиња. По јавните консултации, одборот предложи по две имиња за секој од островите, едно на англиски и друго на маорски јазик.
Англиската верзија ќе биде Северен и Јужен Остров додека маорските имиња се Те Ваипунаму (Река на зелениот камен) за Јужниот и Те Ика-а-Мауи (риба Мауи, маорски бог) за Северниот Остров.
Двете верзии на имињата ќе бидат во употреба во официјалните документи и на мапите. Се очекува именувањето да биде завршено до крајот на годината.