Парламентот на Нов Зеланд го одобри денеска законот, со кој се легализира бракот меѓу хомосексуалците.
Законот го поддржаа 77 пратеници, а 44 се изјаснија „против“. Со неговото усвојување Нов Зеланд стана 13-та држава во светот и првата во Азиско-пацифичкиот регион, која ги озакони еднополовите бракови.
Владата соопшти дека стапувањето во еднополов брак ќе се овозможи од август.
Од 2005 година во Нов Зеланд е одобрено граѓанското партнерство меѓу хомосексуалците.
Браковите меѓу лица од ист пол се легални во Аргентина, Белгија, Данска, Исланд, Шпанија, Канада, Норвешка, Португалија, Уругвај, Холандија, Шведска и Јужна Африка.