Меѓународниот терорист Илич Рамирез Санчес, попознат како Карлос Шакалот, им забрани на своите адвокати да го претставуваат на новиот судски процес во Париз, каде Апелацискиот суд повторно го суди за четири атентати во Франција од пред 30 години, во знак на протест поради недостигот на поддршка од венецуелските власти.
Карлос од Апелацискиот суд побара да му бидат назначени службени адвокати.
Тој веќе веќе 19 години е во француски затвор, откако во 1994 година беше фатен во Судан и одлежува две доживотни казни за убиството на три лица, меѓу кои се двајца полицајци во 1975 година во Париз и четири бомбашки атентати во Франција во 1982 и 1983 година, во кои загинаа 11 лица, а над 140 беа повредени.