Норвешкиот премиер, Јонас Гар Стјоре, денеска изјави дека руската војна во Украина „влезе во уште посериозна фаза“, како и дека безбедносната ситуација во Европа стана понапната по оштетувањата на гасоводите во Балтичкото Море.
„Нуклеарна војна не може да се добие и не смее да се води. Тоа го знае и рускиот режим“, рече тој.
Гар Стјоре рече дека е природно да се чувствува страв кога соседот се заканува со нуклеарно оружје.
„Доколку радиоактивност дојде кон Норвешка, ние сме добро подготвени“, изјави тој ценејќи дека не постои директна воена закана по таа земја.
Извор: МИА