Норвешкото Кралско воено воздухопловство денеска ги прими првите три борбени авиони од типот Ф-35, произведени од американската компанија „Локид Мартин“.
Норвешка планира до 2024 година да купи вкупно 52 летала Ф-35, а вкупната вредност на зделката се проценува на 8,8 милијарди долари.
Од 2019 година овие најмодерни американски воени авиони ќе почнат да патролираат на норвешкото небо.
Норвешка е една од земјите кои учествуваат во развојот на овој авион-ловец, кој треба да биде водечко борбено летало на САД и на западните сојузници, но воедно беше доста критикуван поради бавниот и скап развој на проектот и поради проблеми со некои од перформансите.
Матична база на норвешките авиони Ф-35 ќе биде воената база Орланд во близината на Трондхајм.