Nokia го престави новиот Windows Phone 8 паметен телефон. Но, наместо да биде уред со најдобриот хардвер и огромна цена, Lumia 620 ќе биде „најефтиниот“ WP8 телефон наменет за пошироката публика.
Lumia 620 ќе чини 190 евра, а за таа цена освен што имате нова мобилна платформа, добивате уред кој има 3,8-инчен екран со 800×400 пиксели, 1 GHz процесор со две јадра, 5 мегапиксели камера, 512 MB RAM и 8 GB простор, со можност за microSD картичка до 64 GB. Има поддршка за Wi-Fi, 3G, Bluetooth 3 и Near Field communication за плаќање преку мобилен.
Перформансите не се нешто посебни, но целта на Lumia 620 е да биде достапен телефон кој ќе ја промовира Windows Phone 8 платформата за да биде препознатлива меѓу корисниците. Уредот ќе се појави првин во Азија во јануари 2013-та, а потоа ќе биде достапен и во Европа.