НЛО над Словенија го збуни пилотот: „Во моментов кон нас свети силна светлина“

Од:

Во саботата пилотот на патнички авион имал необична средба на небото над Словенија која не можел да ја објасни, па на помош ја повикал контролата на летање.

„Имам необично прашање, но дали можеби има воен авион на околу 40 или 50 милји од нас на позиција еден или два часот“, ја прашал контролата на летање пилотот на патничкиот авион на TUI Airways.

Авионот кој полетал од аеродромот Ист Мидлендс во Велика Британија во 15.45 часот на пат кон грчкиот остров Родос, тоа попладне се нашол под зрак силна светлина. Пилотот не можел да ја објасни оваа појава, па побарал помош од контролата на летање мислејќи дека можеби станува збор за воен авион.

Меѓутоа, контролорот на летање немал информации за воени авиони на таа позиција, а она што го опиша пилотот тешко може да се поврзе со некое досега познато летало.

„Во моментов, има силна светлина што сјае кон нас. Непосредно пред да стапам во контакт со вас, таа блесна кон нас, потоа одеднаш исчезна и почна да трепка. Потоа светлината скокна наоколу на небото пред повторно да почне да свети постојано“, кажал пилотот.

Снимката од нивниот разговор ја објави порталот 24ur.com.

Би можело да ве интересира

(ВИДЕО) „Досијеа икс“ на француски начин: научници го објаснуваат феноменот НЛО

Катерина Ѓуровски

Онколошки скандал во Љубљана: Опериран здрав човек, отстранет неговиот желудник

А1он

Семејство и двајца водичи се спасени од пештера во Словенија, беа „заробени“ три дена

Горан Наумовски

Спасувачките служби објавија фотографии од пештерата: Познати нови детали за спасувањето

А1он

Спасувачка акција во Словенија: Пет лица заробени во пештера, неизвесно е кога ќе бидат извлечени

А1он

Снежно невреме во Словенија, под Триглав метар и пол снег