„Њујорк пост“: Трамп нема да се сретне со Путин ако тој не се согласи да седне на разговор со Зеленски

Од:

Американскиот претседател Доналд Трамп ќе се согласи да се сретне со Владимир Путин само ако рускиот претседател се согласи да разговара и со Володимир Зеленски, објави „Њујорк пост“, повикувајќи се на функционер од Белата куќа.

„Путин мора да се согласи да се сретне со Зеленски за да се одржи средбата“, рече неименуваниот функционер.

Тој додаде дека локацијата сè уште не е утврдена.

Порано денес, Кремљ потврди дека средбата Трамп-Путин ќе се одржи „во наредните денови“, а Путин ги наведе Обединетите Арапски Емирати како можна локација. Но, во исто време, ги намали изгледите за средба со Зеленски, велејќи дека средбата може да се одржи само „кога ќе се создадат одредени услови за тоа“.

„Немам ништо против тоа во принцип, можно е, но условите мора да се создадат. За жал, сè уште сме далеку од тоа“, им рече Путин на новинарите во Кремљ.

Би можело да ве интересира

Зеленски: Додека траат подготовки за состанокот меѓу Русија и Украина, Москва го користи времето за нови напади

А1он

Роберт Фиц го цитираше Хитлер, го бранеше Путин и го пофали Советскиот Сојуз

Вучиќ оди за Кина, ќе има средба и со Путин-тема Република Српска

Зеленски му постави ултиматум на Путин

Москва: Путин може да има средба со украинскиот претседател Зеленски

Трамп бара Џорџ Сорос и син му да бидат гонети според законите против мафијата

Горан Наумовски