Членството на Финска во НАТО сигурно ќе биде штетно за нејзините односи со Русија, изјави финскиот претседател Саули Ниинисто во интервју за весникот „Вашингтон пост“.
Тој истакна дека не е против НАТО и смета дека присоединувањето на неговата земја во овој сојуз е можно, но околу ова прашање треба да има слободен избор.
– Пред 20 години беше лесно за Финска да стане членка на Алијансата, бидејќи тогаш Русија беше многу слаба, нагласи Ниинисто.
Финскиот министер за надворешни работи Ерки Туомиоја во интервју за истиот весник нагласи дека прашањето за членство на земјата во НАТО речиси воопшто нема да биде споменато за време на предизборната кампања за парламентарните избори, кои треба да се одржат следната година на пролет.
– Ниту една партија нема интерес да тргне по тој пат. Конзервативците и Шведската народна партија го поддржуваат влезот во НАТО, но не и електоратот, и затоа тие нема да го отворат ова прашање, додаде шефот на финската дипломатија.