Официјални лица во Министерството за здравство на Газа, управувано од Хамас и сведок, изјавија за Си-Би-Ес Њуз дека пет лица загинале во петокот додека авионите фрлале помош за Палестинците во бегалскиот камп Ал Шати во северниот дел на Газа.
Трагедијата се случила кога најмалку еден падобран не успеал правилно да се активира и пакетот паднал врз луѓето.
Официјални лица кои разговараа за CBS News изјавија дека две момчиња се меѓу петте загинати, а 11 други се повредени во инцидентот. Точната возраст на жртвите не е позната, но се наведува дека повредените биле на возраст од 30 до 50 години.
САД, Јордан, Египет, Франција, Холандија и Белгија се меѓу земјите кои беа вклучени во воздушни фрлања во обид да обезбедат храна за жителите на Газа во услови на влошена хуманитарна криза.
BREAKING| Two citizens have been killed and others injured west of Gaza City after being hit by airdropped humanitarian aid due to the failure of the parachute to open. pic.twitter.com/DqxcX5y41E
— Quds News Network (@QudsNen) March 8, 2024
На видеото објавено на социјалните мрежи се гледа голема група пакети обесени на падобрани како лебдат низ небото, но се чини дека ситуацијата се влошила кога еден нецелосно отворен падобран почнал да паѓа многу побрзо од другите.
Некои меѓународни агенции ја критикуваа испораката на воздушна помош како целосно недоволна за да се задоволат потребите на жителите на Газа. Обединетите нации предупредија на широко распространета глад меѓу 2,3 милиони жители на Газа.
Американските власти признаа дека воздушните фрлања не се доволни. Велат дека сепак е порака дека светот не стои само настрана додека се развива гладот.
Фрлањето на пакети се случи еден ден откако американскиот претседател Џо Бајден објави дека американската војска ќе изгради привремено пристаниште на медитеранскиот брег на Газа што ќе може да прима пратки со хуманитарна помош, вклучувајќи храна, вода и лекови.