Тест на француска балистичка ракета М51 заврши неуспешно откако ракетата се самоуништи неколкуминути по испукувањето од подморница во заливот Одиерн крај брагот на Бретан, во западна Франција.
Француското МО соопшти дека ракетата немала нуклеарна боева глава. Според Министерството, тоа е прва неуспешна проба од таков вид од 1996 година и се води истрага за причините.
Ракетата М51 минала пет пробни испукувања, по што била одобрена во јули 2010 година. Интерконтиненталната ракета М51 е со висина од 12 метра и максимална тежина од 56 тони и има дострел од околу 8.000 километри.