Нетанјаху за планот на Трамп за Газа: Тоа може да ја промени историјата

Од:

Израелскиот премиер Бенјамин Нетанјаху изјави дека планот на американскиот претседател Доналд Трамп САД да го преземат Појасот Газа може да ја „промени историјата“.

Нетанјаху нагласи дека една од неговите цели во војната е да обезбеди Газа повеќе да не претставува закана за Израел, пишува „Тајмс оф Израел“.

Трамп, вели тој, има поинаква визија за регионот, кој беше „жариште на тероризам и напади врз Израел“.

Израелскиот премиер додаде дека е важно да се обрне внимание на плановите на Трамп и дека тие потенцијално ќе го променат текот на историјата.

Нетанјаху посочи и дека Хамас за време на сегашниот „привремен прекин на огнот“ планира да изврши уште поголем напад од оној на 7 октомври.

Зборувајќи за мирот во регионот, Нетанјаху истакна дека мирот не може да се постигне ако Хамас, кој тој го нарече „токсичен и убиствен“, остане на власт.

Тој додаде дека таргетирањето на уништувањето на оние кои сакаат да го уништат Израел ќе биде клучно за постигнување мир во регионот, вклучувајќи го и мирот со Саудиска Арабија и другите држави.

На тема Иран, Нетанјаху ја поддржа изјавата на Трамп дека Иран не смее да има нуклеарно оружје, додавајќи дека доколку е можно тоа да се постигне преку кампања за „максимален притисок“, тоа треба да се направи.

Трамп рече дека решението за иранското прашање, доколку може да се постигне без војна, ќе биде „огромен успех“, но дека ќе остане да се види како ќе се развива ситуацијата.

Би можело да ве интересира

Најмалку 20 луѓе загинаа во израелските напади врз Појасот Газа

А1он

Нетанјаху: Има уште 20 живи заложници во Појасот Газа, 38 загинаа

А1он

Нетанјаху: Израел ќе ја преземе контролата врз цела Газа, не попуштаме

Горан Наумовски

Нетанјаху вети дека ќе им се одмазди на јеменските Хути

Нетанјаху: Уапсени 18 лица под сомнение дека подметнале пожари во близина на Ерусалим

Трамп: Разговарав со Нетанјаху, се согласивме по сите прашања

А1он