Израелскиот премиер Бенјамин Нетанјаху изјави дека војната со Иран не е завршена, бидејќи, како што изјави, во таа земја сè уште има нуклеарни материјали и објекти за збогатување ураниум кои мора да се отстранат.
Нетанјаху во интервју за американската Си-Би-Ес изјави дека досега е постигнато многу во конфликтот, но дека Израел верува дека заканата не е отстранета сè додека не се отстрани високо збогатениот ураниум од Иран и не се демонтираат капацитетите за негово производство.
„Сè уште има нуклеарни материјали, збогатен ураниум, кои треба да се отстранат од Иран“, рече Нетанјаху, додавајќи дека ракетната инфраструктура на Иран, како и мрежите на сојузничките групи што Техеран ги поддржува во регионот, остануваат причина за загриженост.