Нетанјаху му нареди на преговарачкиот тим да остане во Доха и покрај застојот во преговорите

Од:

Израелскиот премиер Бенјамин Нетанјаху му нареди на преговарачкиот тим да остане во Доха барем уште еден ден, и покрај застојот во разговорите за заложниците, објавија локалните медиуми.

„Остануваме за да не ги навредиме САД. Не би било добро Израел да ја напушти Доха пред Хамас да го стори тоа“, изјави израелски функционер, според „Тајмс оф Израел“.

Канал 13 цитираше неименуван функционер кој изјави дека Нетанјаху ја донел одлуката за да покаже дека Израел „не е пречка во преговорите“.

Нова рунда индиректни преговори меѓу Израел и Хамас започна во Доха пред три дена, додека во исто време Израел започна широка копнена офанзива наречена, „Гидеонова кочија“ во Појасот Газа.

Претставник на Хамас вчера изјави дека досега не е постигнат никаков напредок во преговорите.

„Досега не е постигнат никаков пробив или напредок во тековните преговори во Доха поради континуираната израелска непопустливост“, изјави извор од Хамас за Би-Би-Си.

Би можело да ве интересира

Најмалку 90 убиени во најновиот израелски напад врз Газа

Горан Наумовски

Нетанјаху: Израел стана најмоќната сила на Блискиот Исток

Најмалку едно лице загина во израелски напад со беспилотно летало во Газа

Хезболах: Подготвени сме да се браниме, но не и да започнеме конфликт со Израел

Кац: Израел ја укина вонредната состојба на југот од земјата

Аксиос: Демократите го повикуваат Трамп да се спротивстави на израелската анексија на Западниот Брег