Израелскиот премиер Бенјамин Нетанјаху денеска пред Кнесетот ја претстави владата на единство.
– Народот сакаше единство и тоа го доби, истакна Нетајаху пред пратениците.
Новата израелска влада ќе има 36 министри, што е најголема бројка во историјата на земјата.
Предвидено е Нетанјаху да ја извршува премиерската функција 18 месеци, а потоа местото да му го отстапи на неговиот некогашен политички противник, лидерот на партијата Сино и Бело, Бени Ганц.
Првично, Ганц ќе биде министер за одбрана во владата на Нетанјаху.
Нетанјаху (70) е со најдолг политички стаж во Израел, тој првпат дојде на власт во 1996 година и трипати по ред беше на чело на државата од 2009 година.
На 24 мај почнува судскиот процес против Нетанјаху по обинувањата за примање на мито и измама, дела што тој ги негира.