Израелскиот премиер Бенјамин Нетанјаху го покани рускиот претседател Владимир Путин заеднички да разговараат за „договорот на векот“ на САД за решавање на конфликтот меѓу Израел и палестинската власт, јави руската агенција ТАСС.
– Вие сте првиот лидер што го сретнувам по мојата посета на Вашингтон и по (објавувањето на) планот на (американскиот претседател Доналд) Трамп. Мислам дека денеска имаме можност (да разговараме на темата), би сакал да го слушнам вашето мислење и да видам како можеме да собереме сета сила за да обезбедиме мир и спокоен живот во регионот, рече Нетанјаху.
На средбата со Путун, тој му се заблагодари за ослободувањето на Израелката Наама Исахар, која беше приведена и осудена во Русија во април 2019 година.