Израелскиот премиер Бенјамин Нетанјаху ја предупреди либанската милитантна група Хезбола и другите исламистички групи да не се обидуваат да го нападнат Израел.
Откако исламистичките ектремисти се обидоа да се инфилтрираат во земјата, премиерот на Израел изјави дека ќе стори се за да ја одбрани својата земја доколку биде нападната.
Армијата на Израел соопшти дека синоќа ги исполнила зацртаните цели во Сирија откако претходно екстемистите се обиделе да подметнат експлозив на израелска територија.
Израелските медиуми соопштуваат дека во акцијата спроведена од нивните власти нападнати биле четворица осомничени за кои се верува дека погинале.
„Ќе сториме се што е потребно за да се одбраниме, на Хезбола и другите им предлагам да размислат околу тоа“, истакна Нетанјаху.