Едно девојче загина, а 11 деца се повредени кога училиштен автобус излета од пат во Австралија.
Автобусот, кој превезувал 28 ученици од христијански колеџ, не успеал да сврти лево на пат во близина на градот Џилонг и се превртел, објави Ројтерс.
Началникот на полицијата на Викторија, Пол Линехам, им изразил сочувство на родителите кои го загубиле своето дете. Едно дете е однесено во болница со сериозни повреди, додека 10 други, вклучувајќи го и возачот, биле згрижени во болница со полесни повреди.
Возачот на автобусот, на возраст од 76 години, бил отпуштен од болница откако му била укажана помош и сега помага во истрагата за околностите на несреќата. Полицијата ги истражува сите аспекти на несреќата, вклучувајќи ги техничките проблеми со автобусот и условите на патот во времето на несреќата.