Здравјето на поранешниот јужноафрикански претседател Нелсон Мандела секој ден е се подобро и сега тој може да седи по неколку минути дневно, изјави денеска неговата најмлада ќерка Зинџи Мандела.
– Татко ми сега е добро и успева да седи на стол по неколкуминути дневно и се подобро реагира на околината. Одлучен е се уште да не не напушти. Тој не поседува сила на некој обичен човек, неговата сила едноставно не може да се објасни. Дури и сега кога неговото здравје е лошо, тој некако успева да заздрави, иако сите сметаа дека ова е неговиот крај, истакна Зинџи.
Нелсон Мандела, кој на 18. јули го прослави 95 роденден, веќе два месеца е во болница во Преторија поради инфекција на белите дробови.